ଲୁଟେରା ଗିରଫ, ତମ୍ବା ତାର ଜବତ

ଜଟଣୀ, : ଜଟଣୀ ଥାନା ଅଞ୍ଚଳରୁ ଚୋରି ଅଭିଯୋଗରେ ଅଭିଯୁକ୍ତକୁ ଗିରଫ କରିଛି ପୁଲିସ। ଗିରଫ ଅଭିଯୁକ୍ତ ହେଲା ଜଟଣୀର ଧୀରୁ ନାୟକ (୨୩)। ଗିରଫ ପରେ ଅଭିଯୁକ୍ତକୁ କୋର୍ଟ ଚାଲାଣ କରିଛି ପୁଲିସ। 

ସୂଚନାଯୋଗ୍ୟ ଯେ, ଜଟଣୀ ଥାନା ଅନ୍ତର୍ଗତ ବିଏସଏଫ୍ ପମ୍ପ ପୋଷ୍ଟ ପାଚେରି ନିକଟରେ ଅଭିଯୁକ୍ତ ଧୀରୁ ଓ ତାର ଜଣେ ସହଯୋଗୀ ସନ୍ଦେହ ଅବସ୍ଥାରେ ବୁଲା ବୁଲି କରୁଥିଲେ। ଅଭିଯୋଗକାରୀ ବାସୁଦେବ ବଳବନ୍ତରାୟ ସେମାନଙ୍କ ପିଛା କରି ଅଭିଯୁକ୍ତକୁ କାବୁ କରିଥିବା ବେଳେ ସହଯୋଗୀ ପାଚେରି ଡେଇଁ ଖସି ଯାଇଥିଲା। ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ଯାଞ୍ଚ କରିବାରୁ ତା ନିକଟରୁ ୧୫ମିଟରର ତମ୍ବାତାର ମିଳିଥିଲା। ଥାନାକୁ ଆଣି ପଚରାଉଚରା କରିବାରୁ ତମ୍ବା ତାର ଗୁଡ଼ିକ ପୂର୍ବରୁ ଚୋରି କରିଥିବା ସିକ୍ୱାର କରିଥିଲା। ଏ ନେଇ ଥାନାରେ ଏକ କେସ ନଂ ୪୮୦/୨୪ ରେ ମାମଲା ରୁଜ୍ଜୁ କରି ଅଭିଯୁକ୍ତକୁ କୋର୍ଟ ଚାଲାଣ କରିଛି ପୁଲିସ। ଅନ୍ୟଜଣେ ଅଭିଯୁକ୍ତକୁ ଧରିବାକୁ ପୁଲିସ ବିଭିନ୍ନ ଆଡ଼େ ଚଢ଼ଉ ଜାରି ରଖିଛି। ଜଟଣୀରୁ ରଙ୍ଗନାଥ ବେହେରାଙ୍କ ରିପୋର୍ଟ,୨୪/୧୧/୨୦୨୪-----୭,୨୦ Sakhigopal News,24/11/2024