ଅମୃତ୍ କୁଟୁମ୍ ଭେଡେନର ୪୨ତମ ରକ୍ତଦାନ ଶିବିର ଅନୁଷ୍ଠିତ

ବରଗଡ଼ ---ବରଗଡ ଜିଲ୍ଲା ଭେଡେନ ବ୍ଲକ ଗୁରୁପାଲି ଗ୍ରାମବାସୀ ସ୍ଵର୍ଗତ ସୁଦାମ ଚରଣ ଖେତିଙ୍କ ସ୍ମୃତି ଉଦ୍ଦେଶ୍ଯରେ  ଅମୃତ୍ କୁଟୁମ୍ ଭେଡେନ ର ୪୨ତମ ସ୍ଵେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି। ପ୍ରଥମେ ସ୍ଵର୍ଗତ ସୁଦାମାଙ୍କ ବାପା ଈଶ୍ବର ଖେତି ଫିତାକାଟି ଶିବିରକୁ ଉଦଘାଟନ କରିଥିଲେ। ଏହି ସମୟରେ ସ୍ଵର୍ଗତ ସୁଦାମ ସ୍ମୃତି ସଭା କୁ ସୁରେନ୍ଦ୍ର କୁମାର ପଣ୍ଡା ପରିଚାଳନା କରିଥିଲେ। ଅତିଥି ମାନେ ସୁଦାମ ଙ୍କ ପ୍ରତିଛବି ନିକଟରେ ପ୍ରଦୀପ ପ୍ରଜ୍ବଳନ କରି ପୁଷ୍ପମାଲ୍ୟ ଅର୍ପଣ କରିଥିଲେ। ଏଥିରେ ସଭାପତିତ୍ବ କରିଥିଲେ ଘନଶ୍ୟାମ ଅଗ୍ରୱାଲ । ମୁଖ୍ୟ ଅତିଥି ଭାବେ ଈଶ୍ବର ଖେତି, ସମ୍ମାନିତ ଅତିଥି ଭାବେ କ୍ଷମାନିଧି ନାୟକ ଓ ଅମୃତ୍ କୁଟୁମ୍ ର ସଭାପତି ଆନନ୍ଦ ସୁନା ରକ୍ତଦାନ ର ଉପକାରିତା ସମ୍ପର୍କରେ ବିସ୍ତୃତ ଭାବରେ ବର୍ଣ୍ଣନା କରିଥିଲେ। ସ୍ଵତନ୍ତ୍ର ଅତିଥିଭାବେ ପ୍ରଫୁଲ ବେହେରା, ମଦନ ଖେତି ଯୋଗ ଦେଇ ସ୍ଵର୍ଗତ ସୁଦାମ ଙ୍କ ଶ୍ରୁତି, ଅନୁଭୂତି ବର୍ଣ୍ଣନା କରିଥିଲେ। ବରଗଡ଼ ରକ୍ତଭଣ୍ଡାରର ଅମରଜିତ ମହାନ୍ତି,ଶ୍ରୀବତ୍ସ ସେଠ, କୃଷ୍ଣ ଚନ୍ଦ୍ର ସାହୁ ଓ ଇପ୍ସିତା ମହାନ୍ତି ଆସିଥିଲେ। ଏହି ଶିବିରରେ ୪୦ ଜଣ ପୁରୁଷ ଓ ୧୧ଜଣ ମହିଳା, ୪ ଜଣ ଦମ୍ପତି ସମେତ ମୋଟ ୫୧ ୟୁନିଟ୍ ରକ୍ତ ସଂଗ୍ରହ କରାଯାଇଥିଲା। ଏହି ସମୟରେ ହୁଆଦାଲ ଖେତି, ଦେବସିଂ ନାୟକ, ମନୋଜ ବେହେରା କରୁଣାକର ନାୟକ, ପ୍ରଫୁଲ ବେହେରା ଭଗବାନ କର୍ମି, ମଦନ ଖେତି, ଗୁରୁପାଲି ଗ୍ରାମବାସୀ ଓ ଅମୃତ୍ କୁଟୁମ୍ ର ସମସ୍ତ ସଦସ୍ୟ ରକ୍ତ ଦାନ ଶିବିର ପରିଚାଳନା ରେ ସହଯୋଗ କରିଥିଲେ। ପରିଶେଷରେ ଅମୃତ କୁଟୁମ୍ ସକ୍ରିୟ ସଦସ୍ୟ ଲଲିତ କୁମାର ସାହୁ ରକ୍ତଦାତା ଓ ଶୁଭେଚ୍ଛୁ ମାନଙ୍କୁ ଧନ୍ୟବାଦ ଅର୍ପଣ କରିଥିଲେ।

ବରଗଡ଼ ରୁ ଭବାନୀ ଶଙ୍କର ପାଢୀ ଙ୍କ ରିପୋର୍ଟ,୨୧/୧୧/୨୦୨୪----୮,୫୦ Sakhigopal News,21/11/2024