ବାଲିଯାତ୍ରା ପଡ଼ିଆରେ ଟଳିପଡିଲେ, ପ୍ରମଥନାଥ

ଭଞ୍ଜନଗର ---- କଟକ ବାଲିଯାତ୍ରା ଦେଖିବାକୁ ଯାଇଥିଲେ । ଏହି ଯାତ୍ରା, ତାଙ୍କର ଅନ୍ତିମ ଯାତ୍ରା ବୋଲି ଜାଣିନଥିଲେ । ସେଠାର ବୁଲୁଥିବା ସମୟରେ ସେ ସେଲଫି ନେଉଥିଲେ । ହଠାତ୍ ସେଠାରେ ଟଳିପଡିଲେ । ସେଠାରେ ଉପସ୍ଥିତ ଥିବା ପୋଲିସ ଅଚେତ ଅବସ୍ଥାରେ ଉଧାର କରି ଏସସିବି ମେଡିକାଲରେ ଭର୍ତ୍ତି କରିଥିଲେ । ସେଠାରେ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏମିତି ଏକ ଦୁଃଖଦ ମୃତ୍ୟୁ ଘଟଣା ଘଟିଛି, ଗାଲେରୀ ଗାଁର ବାସିନ୍ଦା ବିଜୟ କେତନ ସାହୁ ଙ୍କ ପୁଅ ପ୍ରମଥନାଥ ସାହୁ (୧୮) ଙ୍କ କ୍ଷେତ୍ରରେ  । ଏନେଇ ମୃତ ପ୍ରମଥଙ୍କ ଭାଇ ବାଳକୃଷ୍ଣ ସାହୁ, କଟକ କଣ୍ଟେନମେଣ୍ଟ ଥାନାରେ ଲିଖିତ ଅଭିଯୋଗ କରିଛନ୍ତି । ଘଟଣା ଘଟିଛି ଶୁକ୍ରବାର ସନ୍ଧ୍ୟା ପ୍ରାୟ ସାଢେ଼ ଛଅଟା ସମୟରେ । ମିଳିଥିବା ସୂଚନା ପ୍ରକାରେ, ପରିବାର ଲୋକେ କଟକରେ ପହଞ୍ଚିବା ପରେ, ସେଠାରୁ ପୁରୀ ଯାଇ ସ୍ଵର୍ଗଦ୍ଵାର ରେ ଶନିବାର ଦିନ ଶେଷକୃତ୍ୟ ସମ୍ପନ୍ନ କରିଛନ୍ତି । ତେବେ ପ୍ରମଥଙ୍କ ମୃତ୍ୟୁ କିଭଳି ଓ କେଉଁ ପରିସ୍ଥିତିରେ ଘଟିଲା, ତାହା ସେଠାକାର ପୋଲିସର ତଦନ୍ତ ଏବଂ ବ୍ୟବଛେଦ ରିପୋର୍ଟ ଆସିବା ପରେ ସ୍ପଷ୍ଟ ହେବ । ଏହି ଖବର ଗାଲେରୀ ଅଞ୍ଚଳରେ ପହଞ୍ଚିବା ପରେ, ସାଧାରଣରେ ଶୋକ ପ୍ରକାଶ ପାଇଛି । ଭଞ୍ଜନଗରରୁ ରବୀନ୍ଦ୍ର ପ୍ରଧାନ ଙ୍କ ରିପୋର୍ଟ,୨୪/୧୧/ ୨୦୨୪----୨.୦୦ Sakhigopal News,24/11/2024