କ୍ରୀଡାଗୌରବ ସମ୍ମାନରେ ସମ୍ମାନିତ ହେଲେ ଶାରୀରିକ ଶିକ୍ଷା ଶିକ୍ଷକ ସୁଚିତ୍ର ଖଟୋଇ

 

ସାକ୍ଷୀଗୋପାଳ,---- ସତ୍ୟବାଦୀ ଉଚ୍ଚ ବିଦ୍ୟାଳୟର ଶାରୀରିକ ଶିକ୍ଷା ଶିକ୍ଷକ ସୁଚିତ୍ର ଖଟୋଇ ପୁରୀ ଜିଲ୍ଲା ବିଦ୍ୟାଳୟ ସ୍ତରୀୟ କ୍ରୀଡା ଉତ୍ସବରେ କ୍ରୀଡାଗୌରବ ସମ୍ମାନରେ ସମ୍ମାନିତ ହୋଇଛନ୍ତି । ଯାହାକି ସତ୍ୟବାଦୀ ଉଚ୍ଚ ବିଦ୍ୟାଳୟ ପାଇଁ ଗୌରବ ଆଣିଛନ୍ତି । ସେ ସତ୍ୟବାଦୀ ମଣ୍ଡଳ ସ୍ତରୀୟ କ୍ରୀଡାର ସମ୍ପାଦକ ଭାବେ କାର୍ଟ କରି ବେଶ ସୁନାମ ଅର୍ଜନ କରିଛନ୍ତି । ସତ୍ୟବାଦୀ ଉଚ୍ଚ ବିଦ୍ୟାଳୟ ସହିତ ଅନ୍ୟ ବିଦ୍ୟାଳୟ ମାନଙ୍କରେ କ୍ରୀଡା କ୍ଷେତ୍ରରେ ଭବଦୀୟ ନିଷ୍ଠା, ତ୍ୟାଗ, ପ୍ରଶିକ୍ଷଣ ପଟୁତା,  ତଥା ଅଦମ୍ୟ ପ୍ରଚେଷ୍ଟା ସର୍ବଦା ଅବିସ୍ମରଣୀୟ । ବିଦ୍ୟାଳୟର କୁନି କୁନି ଛାତ୍ରଛାତ୍ରୀ ମାନଙ୍କ ସହିତ ସାଙ୍ଗ ଓ ଭାଇ ପରି ବ୍ୟବହାର କରିବା ସହ ସେମାନଙ୍କ ମଧ୍ୟରେ ଥିବା ଅନ୍ତନିଅହିତ ଗୁଣକୁ ସଠିକ ଭାବେ ଚିହ୍ନଟ କରି ଆଗେଇ ନେବାରେ ସେ ସକ୍ଷମ ହୋଇଛନ୍ତି । ଏପରିକି ଜିଲ୍ଲା, ରାଜ୍ୟ ଓ  ଜାତୀୟ ସ୍ତରରେ ଆପଣଙ୍କ ଛାତ୍ର ଛାତ୍ରୀ ମାନେ ବେଶ ସୁନାମ ଅର୍ଜନ କରି ପୁରୀ ଜିଲ୍ଲା ସହିତ ସତ୍ୟବାଦୀର  ବେଶ ସୁନାମ  ଆଣିଛନ୍ତି । ସେହିପରି ଜିଲ୍ଲା ସ୍ତରରେ ବିଭିନ୍ନ କ୍ରୀଡା ପରିଚାଳନା ସହିତ କୋଚ ଭାବେ ଶ୍ରୀ ଖଟୋଇଙ୍କର ବେଶ ସୁନାମ ରହିଛି । ଏହି ଅବସରରେ ଜିଲ୍ଲା ବିଦ୍ୟାଳୟ କ୍ରୀଡା ସଂଗଠନ ପକ୍ଷରୁ ଶ୍ରୀ ସୁଚିତ୍ର ଖଟୋଇଙ୍କୁ  କ୍ରୀଡାଗୌରବରେ ସମ୍ମାନିତ କରାଯାଇଛି । ଯାହାକୁ ନେଇ ସତ୍ୟବାଦୀ ଉଚ୍ଚ ବିଦ୍ୟାଳୟ ସହିତ ବିଭିନ୍ନ ବିଦ୍ୟାଳୟର ଶାରୀରିକ କ୍ରୀଡା ଶିକ୍ଷକ ମାନେ ଶ୍ରୀ ଖଟୋଇଙ୍କୁ ସ୍ୱାଗତ କରିଛନ୍ତି । 

ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି, ୨୪/୧୧/୨୦୨୪---୭, Sakhigopal News, 24/11/2024