ଲୋକଙ୍କ ଚିନ୍ତା ମାଣିଆଚ୍ଛକ "ଡମ୍ପିଂୟାର୍ଡ଼' ,,; ଜଟଣୀ ଦିଲ୍ଲୀ ଅବସ୍ଥା ଆଡକୁ ଗତି

ଜଟଣୀ :-- ସ୍ଥାନୀୟ ବାସୀଙ୍କୁ ଅଡୁଆ କଲାଣି ମାଣିଆଚ୍ଛକ  ସ୍ଥିତ ଡମ୍ପିଂୟାର୍ଡ଼ l ଲୋକକଲୋନୀ ମାଣିଆଚ୍ଛକ  ନିକଟରେ ଥିବା ଅଳିଆ ଗଦା ଯୋଗୁଁ ସ୍ଥାନୀୟ ବାସୀଙ୍କ ସ୍ୱାସ୍ଥ୍ୟ ପ୍ରତି ବିପଦ ସୃଷ୍ଟି ହେଉଛି l ଡମ୍ପିଂୟାର୍ଡ଼ଟି ଗତ ଦୁଇ ବର୍ଷ ହେବ ଏକ ପ୍ରମ୍ମୁଖ ପ୍ରଦୂଷଣ କାରଣ ପାଲଟିଛି l ଏହି ଡମ୍ପିଂୟାର୍ଡ଼ ଟି ଏକ ଏକର ପରିମିତ ଅଂଚଳରେ ଅବସ୍ଥିତ l ଦୁଃଖର ବିଷୟ ଏହି ଡମ୍ପିଂୟାର୍ଡ଼ ଟି ପୂର୍ବତଟ ରେଲୱେ ଖୋର୍ଦ୍ଧାରୋଡ ମଣ୍ଡଳର l ପ୍ରତ୍ୟକ ଦିନ ଠିକାଦାର ଟ୍ରାକ୍ଟର ମାଧ୍ୟମରେ ରେଲୱେ କଲୋନୀର କୁଢ଼ କୁଢ଼ ଅଳିଆ ଆଣି ଏଠାରେ ଗଦା କରେ l ଫଳରେ ଅଳିଆ ଗଦା ହେବା ସହ ଦୁର୍ଗନ୍ଧ ସ୍ଥାନୀୟ ବାସୀଙ୍କ ପାଇଁ ଅସହ୍ୟ ହୋଇ ପଡିଛି l ରେଳବାଇ ସଂସ୍ଥା ଏକ କେନ୍ଦ୍ରୀୟ ସଂସ୍ଥା ହୋଇଥିଲେ ମଧ୍ୟ ବର୍ଜ୍ୟବସ୍ତୁରୁ ଜୈବ୍ୟ ସାର ପ୍ରସ୍ତୁତ ପ୍ଲାଣ୍ଟ ନାହିଁ l ରେଲୱେ ମୁଖ୍ୟ ସ୍ୱାସ୍ଥ୍ୟ ନିରୀକ୍ଷକ ସମ୍ପୂର୍ଣ କୋମାରେ l ପରିମଳ ବ୍ୟବସ୍ଥାକୁ ଘରୋଇ କରଣ କରି ନିଘୋଡ଼ ନିଦ୍ରାରେ ରେଲୱେ ସ୍ୱାସ୍ଥ୍ୟ ବିଭାଗ l ଠିକାଦାର ତାର ମନମୁଖୀ ବଳରେ କୁଢ଼ କୁଢ଼ ଅଳିଆ ଗଦାଇ ପରିବେଶ ପ୍ରଦୂଷଣ ନିୟମକୁ ବେଖାତିରି କରି ଡମ୍ପିଂୟାର୍ଡ଼ ରେ ନିଆଁ ଲଗାଇବା ଫଳରେ ସେଥିରୁ ବାହାରୁଥିବା ଧୂଆଁ ସ୍ଥାନୀୟ ଜନସାଧାରଙ୍କ ସ୍ୱାସ୍ଥ୍ୟ ପ୍ରତି ବିପଦ ସୃଷ୍ଟି କରୁଛି l ସ୍ଥାନୀୟ ଲୋକଙ୍କ ଶ୍ୱାସକ୍ରିୟା ଓ ଅନ୍ୟାନ ରୋଗରେ ଆକ୍ରାନ୍ତ ହେଉଥିବା ଅଭିଯୋଗ କରିଛନ୍ତି l ଓଦା ଅଳିଆକୁ ପକାଇବା ଫଳରେ ଏଥିରୁ ଦୁର୍ଗନ୍ଧ ବାହାରି ଲୋକଙ୍କୁ ଅସହ୍ୟ କରିପକାଉଛି  l ରେଲୱେ ସ୍ୱାସ୍ଥ୍ୟ ବିଭାଗର ଦାଇତ୍ୱ ହୀନତା କାର୍ଯ୍ୟକୁ ବୁଦ୍ଧିଜୀବୀଙ୍କ ମହଲରେ ନିନ୍ଦା କରିବା ସହ ସ୍ଥାନୀୟ ବାସୀଙ୍କ ହିତ ଦୃଷ୍ଟିରୁ ଡମ୍ପିଂୟାର୍ଡ଼ କୁ ଅଧିକ ଉପଯୁକ୍ତ ସ୍ଥାନକୁ ସ୍ଥାନାନ୍ତରିତ କରିବାକୁ ଦାବି କରିଛନ୍ତି l ଅନ୍ୟ ପକ୍ଷରେ ଜଟଣୀ କ'ଣ ଦିଲ୍ଲୀ ଅବସ୍ଥା ହେବ । ଜଟଣୀରୁ ରଙ୍ଗନାଥ ବେହେରାଙ୍କ ରିପୋର୍ଟ, ୨୧/୧୧/୨୦୨୪----୮,୪୫  Sakhigopal News 21/11/2024