ଶ୍ରୀରାଧା ମରା ନଡିଆ ତେଲ ସଂସ୍ଥାକୁ ବିଦ୍ୟୁତ ସଂଯୋଗ ମିଳିଲା

ସାକ୍ଷୀଗୋପାଳ--- ସକାଳର ପ୍ରଭାବ ଯୋଗୁ ସତ୍ୟବାଦୀ ବ୍ଳକ ଅନ୍ତର୍ଗତ ପରଜାପଡା ଗ୍ରାମ ପଞ୍ଚାୟତରେ ଗଡି ଉଠିଥବା ଶ୍ରୀ ରାଧା ମରା ନଡିଆ ତେଲ ମହିଳା ସଂସ୍ଥାକୁ ବିଦ୍ୟୁଥ ସଂଯୋଗ ମିଳିଛି । ଯାହାକୁ ନେଇ ଅନୁଷ୍ଠାନର ସମ୍ପାଦିକା ଓ ଅନ୍ୟ ସଦସ୍ୟା ମାନେ ଜିଲ୍ଲା ପ୍ରଶାସନ ଓ ସତ୍ୟବାଦୀ ବିଧାୟକଙ୍କୁ କୃତଙ୍ଗତା ଜଣାଇବା ସହ  ସତ୍ୟବାଦୀ ଥାନା ଅଧିକାରୀ , ବିଦ୍ୟୁତ ବିଭାଗର ଏସଡିଓଙ୍କୁ ଧନ୍ୟବାଦ ଜଣାଇଛନ୍ତି । ଦୁଇ ମାସରୁ ଅଧିକ ଦିନ ହେବ ଉକ୍ତ ସଂସ୍ଥାରୁ ବିଦ୍ୟୁତ କାଟ କରାଯାଇଥିଲା । ଏହି ବିଦ୍ୟୁତ କାଟକୁ ନେଇ ଆନ୍ଦୋଳନ ସହ ଉତ୍ତେଜନା ପ୍ରକାଶ ପାଇଥିଲା । ଏ ସମ୍ପର୍କରେ ସକାଳରେ ୨୧ ଓ ୨୭ ତାରିଖରେ ଖବର ପ୍ରକାଶିତ ହେବା ପରେ ଆଜି ସତ୍ୟବାଦୀ ବିଦ୍ୟୁତ ଉପଖଣ୍ଡର ଏସଡିଓ, ଜେଇ ଙ୍କ ସହିତ ଅନ୍ୟ କର୍ମଚାରୀ ମାନେ ବିଦ୍ୟୁତ ସଂଯୋଗ କରିଛନ୍ତି । ଯାହା ଫଳରେକି ଉକ୍ତ ସଂସ୍ଥା ଉପରେ ନିର୍ଭର କରିଥିବା ମହିଳା ମାନଙ୍କ ମୁହଁରେ  ହସ ଫୁଟିଛି ।

ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି, ୨୭/୧୧/୨୦୨୪---୭,୨୦     Sakhigopal News, 27/11/2024