ମା ସମଲେଶ୍ବରୀଙ୍କ ପାଖରେ ଲାଗି ହେବ ଜୈବିକ ପ୍ରଣାଳୀରେ ଚାଷରୁ ପ୍ରସ୍ତୁତ ଅନ୍ନ ; ଭୋଗରେ ପବିତ୍ରତା, ଚାଷୀଙ୍କୁ ମିଳିବ ପରିଚୟ
ଏହି ଆଲୋଚନାରେ କୃଷକମାନେ ମା ସମଲେଶ୍ୱରୀ ଙ୍କ ନିତ୍ୟ ଭୋଗ ତଥା ମନ୍ଦିର ର ଭୋଗ ମଣ୍ଡପକୁ ଜୈବିକ ପ୍ରଣାଳୀ ରେ ଚାଷ କରାଯାଇଥିବା ଧାନ ରୁ ପ୍ରସ୍ତୁତ ଚାଉଳ ଯୋଗେଇବାକୁ ଇଚ୍ଛା ପ୍ରକାଶ କରିଥିଲେ। କୃଷକ ବନ୍ଧୁ ମାନଙ୍କ ପକ୍ଷରୁ ଏହି ପଦକ୍ଷେପ ଭୋଗର ପବିତ୍ରତାକୁ ସୁରକ୍ଷିତ କରିବାରେ ସହାୟକ ହେବା ସହିତ ଚାଷୀମାନଙ୍କ ଜୈବିକ ଉତ୍ପାଦନକୁ ବଜାରରେ ସ୍ଥାନ ଦେବାରେ ମହତ୍ତ୍ୱପୂର୍ଣ୍ଣ ଭୂମିକା ନେବ ଏବଂ ଭକ୍ତ ମାନଙ୍କୁ ପ୍ରସାଦ ସେବନରେ ଏକ ଦିବ୍ୟ ଅନୁଭୂତି ପ୍ରଦାନ କରିବ ବୋଲି ସୂଚନା ମିଳିଛି।
ଏହି ପ୍ରୟାସରେ ଚାଷୀମାନଙ୍କ ପକ୍ଷରୁ ଅଶୋକ କୁମାର ସାହୁ, ହୃଦାନନ୍ଦ ନାୟକ, ସୁରେଶ ଚାନ୍ଦ, ମଲୟ ଭୋଇ, କୁଳମଣି ବାରିକ ପ୍ରମୁଖ ସକ୍ରିୟ ସହଯୋଗ କରିଥିଲେ । ଚାଷୀ ନେତା ସରୋଜ ମହାନ୍ତି ଓ ସମାଜସେବୀ ପ୍ରିତମ ମେହେର ସମ୍ପୂର୍ଣ୍ଣ କାର୍ଯ୍ୟର ସମନ୍ୱୟ କରିଥିଲେ। ଟ୍ରଷ୍ଟ ବୋର୍ଡ ସଦସ୍ୟ ପ୍ରଫୁଲ୍ଲ ହୋତା ଓ ବିରେନ୍ଦ୍ର ରାୟ ଉପସ୍ଥିତ ରହି ସହଯୋଗ କରିଥିଲେ ।ଟ୍ରଷ୍ଟ ବୋର୍ଡ ଅଧ୍ୟକ୍ଷ ସଞ୍ଜୟ ବାବୁ କୃଷକମାନଙ୍କ ଉଦ୍ୟମକୁ ସ୍ୱାଗତ କରି କହିଥିଲେ, “ମା' ସମଲେଶ୍ୱରୀଙ୍କ ଭୋଗରେ ବ୍ୟବହାର ହେବାକୁ ଥିବା ଚାଉଳ ଜୈବିକ ପ୍ରଣାଳୀ ରେ ଉତ୍ପାଦିତ ହୋଇ ମନ୍ଦିରକୁ ଯୋଗାଇବା ଏକ ପବିତ୍ର ଉଦ୍ୟମ। ଏହି କାର୍ଯ୍ୟ ପାଇଁ କୃଷକ ଭାଇ ମାନଙ୍କୁ ଯୋଗାଯୋଗ କରିଥିଲୁ ଏବଂ ସେମାନେ ଟ୍ରଷ୍ଟ ବୋର୍ଡ ର ଏହି ଉଦ୍ୟମ କୁ ସାର୍ଥକ କରିବାରେ ସହାୟକ ହେବା ଆନନ୍ଦର ବିଷୟ। ଏହି କାର୍ଯ୍ୟ ପାଇଁ ସଂପୃକ୍ତ ବ୍ୟକ୍ତି ବିଶେଷଙ୍କୁ ଟ୍ରଷ୍ଟ ବୋର୍ଡ ତରଫରୁ ସଭାପତି ସଞ୍ଜୟ ବାବୁ କୃତଜ୍ଞତା ଜଣାଇଛନ୍ତି। ସମ୍ବଲପୁର ରୁ ରାଜାରାମ ଷଡ଼ଙ୍ଗୀ ଙ୍କ ରିପୋର୍ଟ,୨୧/୯/୨୦୨୫---୭,୫୦ Sakhigopal News,21/9/2025
