ବିଜୁ ବାବୁଙ୍କ ଜୟନ୍ତୀରେ ପଞ୍ଚାୟତ ରାଜ ଦିବସ ବାତିଲ କରିବା ପ୍ରତିବାଦରେ ସତ୍ୟବାଦୀ ବ୍ଳକ ପରିସରରେ ପ୍ରତିବାଦ ସଭା

ସାକ୍ଷୀଗୋପାଳ--- ମାର୍ଚ୍ଚ ୫ ତାରିଖ ମହାନ ଜନନାୟକ ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ଜୟନ୍ତୀରେ ବିଗତ ଦିନରେ ସରକାର ପଞ୍ଚାୟତ ରାଜ ଦିବସ ପାଳନ କରି ଆସୁଥିଲେ । ମାତ୍ର ସରକାର ବଦଳିବା ପରେ ଏ ବର୍ଷ ବିଜୁ ବାବୁଙ୍କ ଜୟନ୍ତୀରେ ପଞ୍ଚାୟତ ରାଜ ଦବିସ ସରକାର ବାତିଲ କରି ଦେଇଛନ୍ତି ଏହାକୁ ନେଇ ସତ୍ୟବାଦୀ ନିର୍ବାଚନ ମଣ୍ଡଳୀର ବିଜୁ ପରିବାର ପକ୍ଷରୁ ବ୍ଳକ କାର୍ଯ୍ୟାଳୟ ପରିସରରେ ଏକ ପ୍ରତିବାଦ ସଭା ଅନୁଷ୍ଠିତ ହୋଇଯାଇଛି । ସତ୍ୟବାଦୀ ବ୍ଳକ ଅଧ୍ୟକ୍ଷ ସୁନୀଲ କୁମାର ପଣ୍ଡା ପ୍ରତିବାଦ ସଭାଟିକୁ ଆୟୋଜନ କରିବା ସହ ଓଡିଶା ବିକାଶର ବିନ୍ଧାଣୀ ଥିଲେ ବିଜୁ ବାବୁ, ଏପରିକି ନୂତନ ଓଡିଶା ଗଠନରେ ବିଜୁ ବାବୁଙ୍କ ଅବଦାନ ଏ ସରକାର କ’ଣ ଜାଣିବେ । ବିଜୁ ବାବୁଙ୍କ ଯୋଗୁ ଆଜି ପଞ୍ଚାୟତରାଜ ଏକ ସ୍ୱତନ୍ତ୍ର ସ୍ଥାନ ପାଇଛି ବୋଲି ଶ୍ରୀ ପଣ୍ଡା କହିଥିଲେ । ଅନ୍ୟ ମାନଙ୍କ ମଧ୍ୟରେ ଜିଲ୍ଲା ପରିଷଦ ସଭ୍ୟ ନାରାୟଣ ରାଉତରାୟ, ପରଜାପଡା ସମିତିସଭ୍ୟ ରାମଚନ୍ଦ୍ର ମହାନ୍ତି, ଶୁକଳ ସମିତିସଭ୍ୟ ବସନ୍ତ ବିଶ୍ୱାଳ, ମୂଳଅଳସା ଗ୍ରାମ ପଞ୍ଚାୟତର ସରପଞ୍ଚ ଦେବୀପ୍ରସାଦ ଘଟୁଆରୀ, ଜୟପୁର ପଞ୍ଚାୟତର ସରପଞ୍ଚଙ୍କ ପ୍ରତିନିଧି ଦେବଦତ୍ତ ସାମନ୍ତରାୟଙ୍କ ସହିତ ସତ୍ୟବାଦୀ ବ୍ଳକର ବିଜେଡି ଯୁବ ସଭାପତି ଶରତ ରାଉତରାୟ, ବାଉରୀବଂଧୁ ମହାପାତ୍ର, ସୁବାଷ ପ୍ରଧାନ, ସ୍ୱାଧୀନ ଭାରତ ଜେନା, ପ୍ରକାଶ ଖଟେଇ, ବେବିଲାଲ ମିଶ୍ର, କଣାସ ବ୍ଳକର ବିଜେଡି ସଭାପତି ସୁରେଶ ସାହୁ, ଯୁବ ବିଜେଡି ସଭାପତି ବସନ୍ତ ଜେନା, ପ୍ରତାପ ଜେନାଙ୍କ ସହ ଶତାଧିକ ମହିଳା ପୁରୁଷ ଯୋଗ ଦେଇ ବିଜେପି ସରକାରଙ୍କ ବିରୁଧରେ ବିଭିନ୍ନ ନାରାବାଜି ଦେବା ସହ ଏକ ଶାନ୍ତିପୂର୍ଣ୍ଣ ୩୧୬ ନଂ ଜାତୀୟ ରାଜପଥ ପର୍ଯ୍ୟନ୍ତ ଏକ ଶୋଭାଯାତ୍ରା କରିଥିଲେ ।

ସାକ୍ଷୀଗୋପାଳରୁ ଧୀରେନ୍ଦ୍ର ସେନାପତି, ୬/୩/୨୦୨୫---୭,୨୫    Sakhigopal News, 6/3/2025