ଜଟଣୀ :-ଭାରତର ଅଗ୍ରଗାମୀ ବେସରକାରି ଅନୁଷ୍ଠାନ ଦକ୍ଷତା ବିଶ୍ୱବିଦ୍ୟାଳୟ ସେଞ୍ଚୁରିଅନ୍ ବିଶ୍ୱବିଦ୍ୟାଳୟ ନିଜର ଦକ୍ଷତା ଓ ନବୀନତା ଯାତ୍ରାରେ ଆଉ ଗୋଟିଏ ପାଦ ଆଗେଇ ଜଟଣି କ୍ୟାମ୍ପସରେ ସ୍କୁଲ ଅଫ ମେରିଟାଇମ୍ ଷ୍ଟଡିଜ୍ ର ସ୍ଥାପନ କରିଛି । ଶ୍ରୀ ଜୟନ୍ତ ଚୌଧୁରୀ, ଭାରତ ସରକାରଙ୍କ ଦକ୍ଷତା ବିକାଶ ଓ ଉଦ୍ୟମିତା ବିଭାଗ ଏବଂ ଶିକ୍ଷା ରାଜ୍ୟମନ୍ତ୍ରୀ ଏହି ସ୍କୁଲଟିକୁ ଆନୁଷ୍ଠାନିକ ଭାବେ ଉଦଘାଟନ କରିଛନ୍ତି । ଏହି ଅବସରରେ ଶ୍ରୀ ଚୌଧୁରୀ କହିଛନ୍ତି,“ସେଞ୍ଚୁରିଅନ୍ ବିଶ୍ୱବିଦ୍ୟାଳୟ ସମଗ୍ର ଭାବରେ ଅସାଧାରଣ କାର୍ଯ୍ୟ କରିଅଛି। ବିଶ୍ୱବିଦ୍ୟାଳୟର ନେତୃତ୍ୱ, ଦକ୍ଷତା ଆଧାରିତ ଶିକ୍ଷାକୁ ପ୍ରାୟୋଗିକ ଭାବରେ ଏକତ୍ରିକରଣ କରିବାରେ ଗଭୀର ପ୍ରତିବଦ୍ଧ। ବିଶ୍ୱବିଦ୍ୟାଳୟର ଉଦ୍ଦେଶ୍ୟ ହେଉଛି ଛାତ୍ରଛାତ୍ରୀମାନଙ୍କୁ ପ୍ରାୟୋଗିକ, ଶିଳ୍ପମୁଖୀ ଦକ୍ଷତା ସହିତ ସଜ୍ଜ କରିବା, ଯାହା ତାଙ୍କୁ କେବଳ ପ୍ରମାଣପତ୍ର ଓ ଡିପ୍ଲୋମା ନୁହେଁ, ଦୃଢ ଓ ସ୍ଥାୟୀ ଚାକିରି ଅବସର ଦେବା। ସେ ଆହୁରି କହିଛନ୍ତି ଯେ, ବିଶ୍ୱବିଦ୍ୟାଳୟ କୃଷି, ଇଲେକ୍ଟ୍ରିକ୍ ଭେଇକଲ୍, ଆଟୋମୋଟିଭ୍ ଇଞ୍ଜିନିୟରିଂ, ମ୍ୟାନୁଫାକ୍ଚରିଂ ଓ ଫ୍ୟାଶନ୍ ଡିଜାଇନ୍ ପରି ବିଭିନ୍ନ କ୍ଷେତ୍ରରେ ବିଶେଷୀକୃତ କେନ୍ଦ୍ର ସ୍ଥାପନ କରିଛି। ନବ ଉଦ୍ଘାଟିତ ସେଣ୍ଟର ଫର ମେରିଟାଇମ୍ ଷ୍ଟଡିଜ୍, ଯାହାର କ୍ଷମତା ୧,୨୦୦ ଛାତ୍ରଛାତ୍ରୀ ପ୍ରଶିକ୍ଷଣ ପାଇଁ, ଏଠାରେ ମେରିଟାଇମ୍ ଲଜିଷ୍ଟିକ୍ସ, ପୋର୍ଟ ଅପରେସନ୍ସ, ଶିପ୍ବିଲ୍ଡିଂ, ଶିପ୍ ରିପେୟାର ଓ ଏଲେଞ୍ଜି ଟର୍ମିନାଲ୍ ମ୍ୟାନେଜମେଣ୍ଟ ପାଠ୍ୟକ୍ରମ ପ୍ରଦାନ କରିବ। ମେରିଟାଇମ୍ କ୍ଷେତ୍ରର ବୃହତ ସମ୍ଭାବନା ବିଷୟରେ ଶ୍ରୀ ଚୌଧୁରୀ କହିଛନ୍ତି, ଭାରତ ସରକାରଙ୍କ ପକ୍ଷରୁ ମୁଖ୍ୟ ବନ୍ଦର ଓ ଇନ୍ଲ୍ୟାଣ୍ଡ ୱାଟରୱେ ବିକାଶ ପଦକ୍ଷେପ ଫଳରେ ଏହି କ୍ଷେତ୍ର ଦ୍ରୁତ ବିକାଶ ଅଭିମୁଖୀ ହେଉଛି। ସେ ଓଡ଼ିଶାର ସମୃଦ୍ଧ ନୌ-ବାଣିଜ୍ୟର ଐତିହ୍ୟକୁ ସ୍ମରଣ କରି ରାଜ୍ୟର ଯୁବ ସମାଜକୁ ଏହି କ୍ଷେତ୍ର ସହ ଜଡିତ ହେବା ଓ ଦେଶର ଉନ୍ନତିରେ ଅଂଶ ନେବାକୁ ଆହ୍ୱାନ କରିଛନ୍ତି। ଉଦଘାଟନ ସମାରୋହରେ ସେଞ୍ଚୁରିଅନ୍ ବିଶ୍ୱବିଦ୍ୟାଳୟର ପ୍ରଫେସର ସୁପ୍ରିୟା ପଟ୍ଟନାୟକ, ଭାଇସ୍ ଚାନ୍ସେଲର, ପ୍ରଫେସର ମୁକ୍ତି ମିଶ୍ର, ପ୍ରେସିଡେଣ୍ଟ, ପ୍ରଫେସର (ଡ଼) ଅଜୟ କୁମାର ନାୟକ, ପ୍ରୋ ଭାଇସ୍ ଚାନ୍ସେଲର (ଅଡମିନିଷ୍ଟ୍ରେସନ) ପୂର୍ବତନ ସାଂସଦ ପ୍ରସନ୍ନ ପାଟ୍ଟଶାଣୀଙ୍କ ସହଛାତ୍ରଛାତ୍ରୀ ଓ ଅଧ୍ୟାପକ ଅଧ୍ୟାପିକା ମାନେ ଉପସ୍ଥିତ ଥିଲେ। ଜଟଣୀରୁ ରଙ୍ଗନାଥ ବେହେରାଙ୍କ ରିପୋର୍ଟ,୯/୧୦/୨୦୨୫----୭,୪୫ Sakhigopal News,9/10/2025
