ଇଶ୍ଵର ଆର୍ଟ ଆଣ୍ଡ କ୍ରାଫ୍ଟ ପକ୍ଷରୁ ମାଟି ଗଣେଶ ମୂର୍ତ୍ତୀ ବଣ୍ଟନ

ଜଟଣୀ : ଇଶ୍ଵର ଆର୍ଟ ଆଣ୍ଡ କ୍ରାଫ୍ଟ ସୋସିଆଲ ଫାଉଣ୍ଡେସନ ଟ୍ରଷ୍ଟ ତରଫରୁ ଦୀର୍ଘ ପାଞ୍ଚ ବର୍ଷ ଧରି ଗଣେଶ ପୂଜା ପାଖେଇ ଆସିଲେ ମାଟିର ଗଣେଶ ମୂର୍ତ୍ତୀ ତିଆରି କରାଯାଇ ବିନା ମୂଲ୍ୟରେ ବଣ୍ଟନ କରାଯାଉଛି l ଏହାର ମୁଖ୍ୟ ଉଦ୍ଦେଶ୍ୟ ସମସ୍ତେ ମାଟିରେ ତିଆରି ମୂର୍ତ୍ତିକୁ ପୂଜା କରନ୍ତୁ ଆଉ ପର୍ଯ୍ୟାବରଣକୁ କିଛି ହାନି ନ ପହଞ୍ଚାନ୍ତୁ। ବର୍ତ୍ତମାନ ଅନେକ ସ୍ଥାନରେ ପ୍ଲାଷ୍ଟର ଅଫ ପ୍ୟାରିସରେ ତିଆରି ମୂର୍ତ୍ତି ମାର୍କେଟରେ ମିଳୁଛି, ଯାହାକି ପରିବେଶ ପ୍ରତି କ୍ଷତିକାରକ। ତେଣୁ ସେହି ମୂର୍ତ୍ତୀ ପ୍ରତି ମନ ନିବେଶ ନକରି ମାଟିରେ ତିଆରି ଗଣେଶ ମୂର୍ତ୍ତି ଆଣି ପୂଜା କରିବା ଆବଶ୍ୟକ ବୋଲି ଫାଉଣ୍ଡେସନ ପକ୍ଷରୁ କୁହାଯାଇଛି l ଏହି ଆଧାରରେ ଚଳିତ ବର୍ଷ ମଧ୍ୟ ଗଣେଶଙ୍କର ମାଟିର ମୂର୍ତ୍ତୀ ବଣ୍ଟା ଯାଉଅଛି l ଯେଉଁମାନେ ନେବା ପାଇଁ ଇଛୁକ ତେବେ ଗୋପୀନାଥପୁର (ହାଟବଜାର)ଇଶ୍ଵର ଆର୍ଟ ଆଣ୍ଡ କ୍ରାଫ୍ଟ ସୋସିଆଲ ଫାଉଣ୍ଟେସନର ଫାଉଣ୍ଡର ତଥା ସୁକ୍ଷ୍ମ କଳାକାର ଏଲ. ଇଶ୍ଵର ରାଓଙ୍କୁ ଏହି ନମ୍ବରରେ ଯୋଗାଯୋଗ କରିବା ପାଇଁ ୯୮୬୧୩୫୮୭୭୬ ସୂଚନା ଦିଆଯାଇଛି l ଜଟଣୀରୁ ରଙ୍ଗନାଥ ବେହେରାଙ୍କ ରିପୋର୍ଟ,୨/୯/୨୦୨୪-----୧୦,୪୫ Sakhigopal News,2/9/2024