ଖୋର୍ଦ୍ଧା ରୋଡ୍ ରେଳ ମଣ୍ଡଳ ର ରେଲ ସୁରକ୍ଷା ବଳ (ଆରପିଏଫ୍) ଅଧିକାରୀଙ୍କ ଦ୍ବାରା ଯାତ୍ରୀଙ୍କ ସହାୟତା ପାଇଁ ତ୍ୱରିତ କାର୍ଯ୍ୟାନୁଷ୍ଠାନ

ଜଟଣୀ ------ଖୋର୍ଦ୍ଧା ରୋଡ୍ ରେଳ ମଣ୍ଡଳ ର ଆରପିଏଫ୍ କର୍ମଚାରୀଙ୍କ ତୁରନ୍ତ କାର୍ଯ୍ୟାନୁଷ୍ଠାନ ଏବଂ ଆନ୍ତରିକତା ସହାୟତା ପୁଣି ଥରେ ପ୍ରମାଣିତ ହୋଇଛି । ସେମାନେ ଯଶବନ୍ତପୁର-ହାବଡା ସ୍ୱତନ୍ତ୍ର ଟ୍ରେନରୁ ଗୋଟିଏ ବ୍ୟାଗ ମିଳିଥିଲା । ଜଣେ ଯାତ୍ରୀ ଭୁଲରେ କୋଚ୍ ନମ୍ବର S-4 ରେ ଥିବା ତାଙ୍କ ବର୍ଥରେ ତାଙ୍କର ବ୍ୟାଗ ଛାଡି ଭୁବନେଶ୍ୱର ରେଳ ଷ୍ଟେସନରେ ଓହ୍ଲାଇ ଯାଇଥିଲେ । ଏହା ଜାଣିବା ପରେ ସେ ଭୁବନେଶ୍ୱର ଆରପିଏଫ ପୋଷ୍ଟକୁ ଜଣାଇଥିଲେ। ଭୁବନେଶ୍ୱରର ଆରପିଏଫ୍ ଅଧିକାରୀମାନେ ତୁରନ୍ତ କଟକ ରେଳ ଷ୍ଟେସନରେ ବ୍ୟାଗ ପୁନରୁଦ୍ଧାର ପାଇଁ କଟକ ଆରପିଏଫ ପୋଷ୍ଟକୁ ଜଣାଇଥିଲେ । ତଦନୁସାରେ ସେଠାରେ ଡ୍ୟୁଟିରେ ଥିବା ମହିଳା ସବ୍-ଇନ୍ସପେକ୍ଟର ରୋଜୀ ମହାନନ୍ଦ ଏବଂ ଅନ୍ୟ ଆରପିଏଫ୍ କର୍ମଚାରୀଙ୍କ ସହ କଟକ ରେଳ ଷ୍ଟେସନରେ ସେହି ଯଶବନ୍ତପୁର-ହାବଡା ଟ୍ରେନରେ ପ୍ରବେଶ କରି S-4 ଵଗିରୁ ବ୍ୟାଗ ଉଦ୍ଧାର କରିଥିଲେ।

ଉଦ୍ଧାର ହୋଇଥିବା ସାମଗ୍ରୀକୁ ଉପଯୁକ୍ତ ପ୍ରମାଣ ସହିତ ସମ୍ପୃକ୍ତ ଯାତ୍ରୀଙ୍କୁ ହସ୍ତାନ୍ତର କରାଯାଇଥିଲା | ଯାତ୍ରୀଙ୍କ ଉପସ୍ଥିତିରେ ଏହି ବ୍ୟାଗଟି ଖୋଲାଯାଇଥିଲା ଏବଂ ଜଣାପଡିଛି ଯେ ବ୍ୟାଗରେ ଗୋଟିଏ ମୋବାଇଲ୍ ଫୋନ୍, ନଗଦ 2300 ଟଙ୍କା / - ଏବଂ କିଛି ମୂଲ୍ୟବାନ ପୋଷାକ ଥିଲା ।ଏହି ତ୍ୱରିତ କାର୍ଯ୍ୟ ଏବଂ ରେଳ ଅଧିକାରୀଙ୍କ ଆନ୍ତରିକତାକୁ ସେହି ଯାତ୍ରୀ ପ୍ରଶଂସା କରିଥିଲେ।   ଆରପିଏଫ୍ କର୍ମଚାରୀଙ୍କ ଆନ୍ତରିକତା ଏବଂ ତ୍ୱରିତ କାର୍ଯ୍ୟାନୁଷ୍ଠାନ ହେତୁ ଅନେକ ଥର ଯାତ୍ରୀଙ୍କ ଦ୍ବାରା ଛାଡିଯାଇଥିବା ବ୍ୟାଗ ଏବଂ  ଟ୍ରେନରୁ ବହୁମୂଲ୍ୟ ସାମଗ୍ରୀ ଉଦ୍ଧାର କରାଯାଇ ନିୟମିତ ଭାବେ ବିଭାଗୀୟ ବିଭିନ୍ନ ରେଳ ଷ୍ଟେସନରେ ସମ୍ପୃକ୍ତ ଯାତ୍ରୀଙ୍କୁ ହସ୍ତାନ୍ତର କରାଯାଇଛି। ଖୋର୍ଦ୍ଧା ରୋଡ୍ ରେଳ ମଣ୍ଡଳ ପକ୍ଷରୁ ସମସ୍ତ ଯାତ୍ରୀଙ୍କୁ ଅନୁରୋଧ କରାଯାଉଛି କି ଦୟାକରି ହେଲ୍ପଲାଇନ ନଂ 182 କୁ ସେମାନଙ୍କର ଯାତ୍ରା ସମୟରେ ଯେକୋୖଣସି ପ୍ରକାରର ସୁରକ୍ଷା ସହାୟତା ପାଇଁ ଫୋନ୍ କରିପାରିବେ । ଜଟଣୀ ରୁ  ବେହେରା